دانىخورەك ياشلاردا كۆپ كۆرۈلىدىغان بىر خىل تېرە كېسەللىكى ، ئادەتتە تېرىنىڭ مايلىق دەرىجىسىنىڭ ئېشىپ كېتىشى ، بەدەن ئاجرىتىپ چىقارغان ھەر خىل گورمۇنلار تەڭپۇڭلۇقىنىڭ قالايمىقانلىشىشى قاتارلىق ھەر خىل سەۋەبلەر تۈپەيلىدىن تېرە ئاستىدىكى مايلار تېرە سىرتىغا تولۇق چىقىرىۋېتىلمەي يىغىلىپ قالغانلىقتىن دانىخورەك چىقىدۇ . ئەگەر دانىخورەك چىققان مەزگىلدە تېرىنىڭ نەملىكىنى ساقلايدىغان پەرداز بۇيۇملىرىنى ئىشلەتكەندە ، تېرە ئاستىدىكى مايلارنىڭ سىرتقا چىقىرىلىشىنى تېخىمۇ ئاستىلىتىپ ، دانىخورەكنى تېخىمۇ ئېغىرلاشتۇرىۋېتىدۇ ، شۇ بۇ مەزگىلدە نەملىكنى ساقلايدىغان پەرداز بۇيۇملىرىنى ئاز ئىشلىتىش كېرەك .