ئامېرىكا بىرلەشمە ئاخبارات ۋاستىلىرىنىڭ 7-ئىيۇن خەۋەر قىلىشىچە، مېكسىكا ساقچى تەرەپ ساياھەت رايونلىرىنىڭ بىرى بولغان كانكوندىكى بىر ئۆڭكۈردىن 6 ئادەمنىڭ جەسىتىنى تاپقان بولۇپ، ئۇلارنىڭ ئىچىدىكى 3 ئادەمنىڭ يۈرىكى سۇغۇرۋىلىنغان ئىكەن. زىيانكەشلىككە ئۇچرىغۇچىلارنىڭ 4 نەپىرى ئەر، 2 نەپىرى ئايال بولۇپ، ساقچىلارنىڭ تەكشۈرۈپ ئىنىقلىشىچە، بۇ ئادەملەر ئۆلتۈرۈلۈشتىن بۇرۇن قەبىھلەرچە قىينالغان ئىكەن. ئۇلارنىڭ مېڭىسى چۇۋۇلغان، بەدىنىنىڭ ئاستىنقى قىسمىغا Z ھەرىپى بېسىلغان ئىكەن.
ساقچىلارنىڭ ئانالىز قىلىشىچە، بۇ قاتىللىق ۋەقەسىنى زەھەر ئەتكەسچىلىرى Gulf Cartel نىڭ Zeta قاتىللىق تەشكىلى قىلغان بولىشى مومكىن ئىكەن. نۆۋەتتە ساقچىلار بۇ ۋەقەنى ئىنچىكىلەپ تەكشۈرمەكتە.